Мұғалімнің өзіндік білімін көтеруі

Мұғалімнің өзіндік білімін көтеруі

Білім берудің ұлттық моделіне көшкен қазіргі мектепте, ойшыл, зерттеуші, жаттандылықтан аулақ практикалық қызметте педагогикалық үйлестіруді шебер меңгерген, психолог-педагогтік диагностика қоя білетін іскер ,  шығармашыл  ұстаз керек.

Мұғалім өзінің білімін үздіксіз көтеріп отырғанда ғана мұғалім. Оқуды, ізденуді тоқтатысымен оның мұғалімдігі де жойылады.

 Мектепте оқу мен тәрбие  сапасын жетілдіру- тікелей мұғалімнің даярлық деңгейіне байланысты. Бұл деңгей

үнемі өсіп отыруы керек. Ол - білім жетілдіру курстары, семинар, конференция, өзіндік білімін жетілдіру жоспары.

 Өзіндік білімді көтеру, бұл кез-келген  кәсіпте жұмыс істейтін  адамның шығармашылық, жауапкершілігі, адамның қажеттілігі. Қоғам алдында моральдық жауапкершілігі жоғары мұғалімдерге әсіресе, ерекше қажет.

Педагогикалық сөздікте - бағытталған танымдық қызмет, жеке тұлғаның меңгеруі, белгілі бір ғылым бойынша білімінің болуы, қызығушылық, өзіндік білімді меңгеруі деген  педагогикалық қызметтегі қажетті шарттардың бірі. Қоғам  әрқашан да мұғалімге жоғары талап қояды. Біреуді үйрету үшін, өзің де одан да көп білуің керек. Жаңа тұрпатта мұғалім тек өз пәнін білумен ғана шектелмейді, әдістемені, жақын ғылымдарды, қоғам өмірін, саясатты,

экономиканы білуі керек. себебі оның алдындағы оқушылар өзгереді, уақыт өзгереді,  оқушының қоғам, қоршаған орта туралы көзқарастары тереңдейді. І. Педагогтың өзіндік білімін көтеруіне   қажеттілікті тудыратын мотивтер:

§  күнделікті ақпаратпен жұмыс;

§  шығармашылық талпыныс;

§  қазіргі заманғы ғылымның дамуы  (педагогика, психология);

§  қоғам өміріндегі өзгерістер;

§  бәсекелестік;

§  материалдық стимул;

§  қызығушылық

 Мұғалімнің өзіндік білімін көтеруінің бағыттары:

§  әдебиеттер (әдістемелік, ғылыми, көркем);

§   ғаламтор ;

§   видео, аудио;

§   білім жетілдіру курстары;

§   семинарлар мен конференциялар

 Формалары:

- жеке

- топтық

Жүзеге асыру процестері:

- Жаңа педагогикалық технологияларды оқып- үйрену, енгізу;  

- Әріптестерінің сабағына қатысу және тәжірибе алмасу;  

- Кәсіби қызметіне өзіндік анализ жасап отыру;   

- Қазіргі  педагогика және психология саласында өз  білімін жетілдіріп отыру;   

- Қазіргі экономикалық, саяси, мәдени жағдайларға қызығушылық таныту;  

- Құқықтық және жалпы мәдениетін, өзінің эрудициялық деңгейін жетілдіру

Нәтижеге жету жолдары:

- Педагогтың өзінің білімін көтеруге, дамуға деген қажеттілігі;  

- Өзінің тәжірибесіне өзіндік анализ жасау ерекшелігі ;  

- Рефлексия жасай алу  шеберлігі ;   

- Зерттеушілік қабілеті;   

- Шығармашылыққа деген ұмтылысы;    

- Жеке  басы мен және кәсіби қызметінің  өсуіне деген құлшынысы болса, онда, мұғалімнің кәсіби өсу деңгейі жоғарылайды.

 Өзіндік білім көтеруді ұйымдастыру

- тақырыпты таңдау;  

- жеке өзіндік білімін көтеру жоспарын жасау; 

- бақылау (әкімшілік, әб жетекшісі); 

- анализ жасап отыру;  

- тәжірибесін тарату, есеп беру,  

- марапаттау

Ұсыныстар:  

- дарынды балалармен жұмысын жүйелеу;  

- ӘБ жетекшілері анализ жасап отыру;  

- ОПТ тарату

 Жоспардың жасалуы:

- тақырыбы; (тақырыппен 5 жылдай жұмыс істейді) 

- мақсаты;  

- міндеттері  

- күтілетін нәтиже; 

- жұмыстың кезеңдері 

1. Теориялық бөлім 

- әдістемелік әдебиеттерді оқып - үйрену – 1 жыл  

2. Практикалық бөлімі

- сабақта қолдану, ашық  сабақтары, педкеңесте оқыған баяндамалары; 

3.Ақпараттарды жинақтау және өңдеу

Ақпараттық- коммуникативтік технология

- электрондық оқулықтар жасау; 

- тест материалын электронды түрде қолдану; 

- дидактикалық материалдарды дайындау; (жеке,  практикалық, бақылау)

- таратпа материалдарды жасау (тапсырмалар, үлестірме, сұрақтар); 

- терминологиялық сөздіктер жасау ( тақырып, тарау); 

- тақырыптық сынып сағаттарын, ата-аналар жиналысын жинақтау  (іскерлік ойындар, сайыстар,  көріністер) - олимпиада  материалының пакетін  жасау; 

- үйірме жұмыстарының жобасын жасау; 

- сабақ үлгілерін жазу.